Урысые Федерацием и Следственнэ комитет Адыгэ РеспубликэмкIэ иследственнэ гъэIорышIапIэ къалэу МыекъуапэкIэ иследственнэ отдел мыведомствэ къулыкъоу ухъумэным пылъым иIофышIэу Урысые Федерацием и Уголовнэ кодекс ия 105-рэ статья иа 1-рэ Iахь зигугъу къышIырэ бзэджэшIа­гъэр зезыхьагъэм уголовнэ Iоф къыфызэIуахыгъ.
ПэшIорыгъэшъэу зэрагъэунэфыгъэмкIэ, 2024-рэ илъэсым мэлылъфэгъум и 14-м ипчыхьэ федеральнэ къэралыгъо унитар предприятиеу «Охрана» зыфиIорэм щылэжьэрэ хъулъфыгъэм Мыекъуапэ ипочтэ ичIэхьэгъу къыгъэгъунэзэ, къулыкъум щигъэ­федэрэ кIэрахъомкIэ почтэм иIофышIэу, илъэс 22-рэ зыныбжь инэIосэ кIалэм ыпшъэ еуагъ. УIагъэу тырищагъэм ар илIыкIыгъ.
БзэджэшIагъэ зэрэзэрихьагъэр къамышIэным пае иныбджэгъу игъусэу хьадэр пкъырыпкъэу зэпкъыра­хыгъ ыкIи почтэм ищагу дэт хэкIитэкъу­пIэм радзагъ. Нэужым хэкIхэр зыдащэрэ чIыпIэм следовательхэм хьадэр къыщагъотыжьыгъ.
ЦIыфыр ыукIыгъэкIэ зэгуцафэхэрэр зыщыпсэурэ унэр къызаплъыхьэм, а мафэм щыгъыгъэ щыгъы­нэу лъыр зыхэлъыр къырагъотагъ.
Хъулъфыгъэу къаубытыгъэр Урысые Федерацием и Уголовнэ кодекс ия 105-рэ статья иа 1-рэ Iахь зигугъу къышIырэ бзэджэшIагъэ зэрихьагъэкIэ агъэ­мысэ. Ащи, Мыекъуапэ щыщ хъулъфыгъэу илъэс 26-рэ зыныбжьэу хьадэм игъэбылъынкIэ IэпыIэгъу къыфэхъугъэми пщыныжьэу арагъэхьыщтыр следовательхэм зэхафыщт.
Джыдэдэм следственнэ Iофтхьабзэхэр макIох, хьыкум экспертизэхэр ашIыщтых.
Урысые Федерацием и Следственнэ комитет
Адыгэ РеспубликэмкIэ иследственнэ гъэIорышIапI