Гъэсэныгъэ кластерэу «Образовательный центр туризма и сферы услуг Респуб­­лики Адыгея» зыфиIорэм хэтхэм язэхэсыгъо Адыгэ къэралыгъо университетым и Мыекъопэ къэралыгъо гуманитар-техническэ колледж мы мафэхэм щыкIуагъ. IофшIапIэ языгъэ­гъотырэ компание 14 ыкIи гъэсэныгъэ организации 3 ащ хэлэжьагъ.

Федеральнэ программэу «Профессионалитет» зыфиIорэр щыIэныгъэм зэрэщыпхыращыщтым ыкIи колледжым игъэсэныгъэ тедзэ программэхэм атегущыIагъэх.
Мыекъопэ къэралыгъо гуманитар-техническэ колледжым ипащэу Бгъошэ Айдэмыр хьакIэхэм еджапIэр къаригъэплъыхьагъ, гъэцэ­кIэ­жьынхэр зэрэкIохэрэр, егъэджэн лабораториехэм Iэмэ-псымэу ачIа­гъэуцуагъэхэр аригъэлъэгъугъ. Фе­деральнэ проектэу «Профессионалитет» зыфиIорэм игъэсэны-
гъэ программэ къыдыхэлъытагъэу егъэджэнхэр шэпхъакIэхэм адиштэу ащ щыкIощтых.
— Мыщ фэдэ зэIукIэгъухэм мэхьэнэ ин яI. Федеральнэ проектым ишIуагъэкIэ аужырэ шап­хъэхэм адиштэрэ Iэмэ-псымэхэр къызфагъэфедэзэ тистудентхэм шIэныгъэ куухэр зэрагъэгъотыщт, шъолъырым ит предприятие анахь дэгъухэм практикэр ащахьыщт. Ащ дакIоу IофшIэпIэ чIыпIэхэр нахь шIэхэу ныбжьыкIэхэм агъотыщтых ыкIи гъэхъагъэхэр ашIыщтых, — къыIуагъ Бгъошэ Айдэмыр.
Мыекъопэ къэралыгъо гума­нитар-техническэ техникумыр.