Творческэ объединениеу «Ошъадэм» хэт народнэ фольклорнэ купэу «Ащэмэзым» иорэдыIоу Бида­нэ­къо Жьыут IэпыIэгъу ищыкIагъ. Тхьабыл узэу иIэм (бронхоэктапическая болезнь) ипсау­ныгъэкIэ зэра­рышхо къырегъэкIы.

Жьыут купым къахэщырэ орэдыIу. Сценэм «Ащэмэзыр» къызытехьэкIэ, Биданэкъо Жьыут инэшIо-гушIуа­гъэкIэ, артист нэшанэу иIэхэмкIэ къахэщы. Ар бэмэ къашIэжьы ыкIи агу рехьы. ФэIэпэIасэу ижъырэ ­
адыгэ орэдхэр къеIох. А ансамблэр зыхэлэжьэгъэ фестиваль, зэнэкъокъу зэфэшъхьафхэм къазэрахэщыгъэм Жьыут ишIушIагъи хэлъ. Апэрэ мафэм къыщыублагъэу ар орэдыIо купым хэт ыкIи непэрэ мафэм нэс «Ащэмэзым» фэшъыпкъэу лъэпкъ творчествэр лъегъэкIуатэ.
Узым ыпкъ къикIэу Биданэкъо Жьыут орэд къэIоныр зэпигъэунэу хъугъэ. Творческэ объединением ипащэу Едыдж Викторие сэнаущыгъэ зыхэлъ артист ныбжьыкIэу якуп хэтым IэпыIэгъу фэхъухэмэ зэрашIоигъор къыкIегъэтхъы:
— Адыгэ гущыIэжъым къызэриIоу, «ШIу зышIэрэм шIу фыщылъ». Сымаджэ хъугъэ тиIофшIэгъу тыдеIэ тшIоигъу. Жьыут узым ыпкъ къикIэу иIофшIэн зэрэзэпигъэугъэр лъэшэу къызэхэтшIагъ. Итворческэ гъогу лъигъэкIотэнэу, псынкIэу къытхэуцожьынэу тыфай. Арышъ, амал зи­Iэхэр, IэпыIэгъу кIалэм фэхъун зы­лъэкIыщтхэр мы Iофым къыхэлэжьэнхэу тыкъяджэ.
«Ошъадэм» хэт артистхэм Жьыут IэпыIэгъу фэхъухэмэ ашIоигъоу мэлылъфэгъум и 26-м пчыхьэм сыхьатыр 7-м шIушIэ концерт къатыщт. Адыгэ къэралыгъо университетым
ар щыкIощт. Концертым къыкIэкIорэ мылъкур Жьыут еIэзэнхэм пэIухьащт. Биданэкъо Марзет (Жьыут янэ) къы­зэIуихыгъэ счетым шъхьадж ыгу пы­кIырэр ригъэхьашъущт.
Счетым иномер: 40817810901000456486
Джащ фэдэу Биданэкъо Марзет ителефон номеркIэ ахъщэр жъугъэхьын шъу­лъэкIыщт:

8-960-436-19-45
Биданэкъо Жьыут псынкIэу зэтеуцожьынышъ, «Ащэмэзым» хэт артистхэм къахэуцожьынэу тыфэлъаIо.