ДзюдомкIэ Къыблэ федеральнэ шъолъырым ипервенствэ къалэу Ермэлхьаблэ щыкIуагъ.

Зыныбжь илъэс 13-м шIомыкIыгъэ кIалэхэр ыкIи пшъашъэхэр ащ хэлэжьагъэх.
ЗэхэщакIохэм къызэраIуагъэмкIэ, спортсмен 501-мэ заушэтыгъ. Адыгэ Республикэм, Донецкэ Народнэ Республикэм, Краснодар краим, Волгоградскэ ыкIи Ростовскэ хэкухэм, Къырым, Къалмыкъым ыкIи Севастополь ялIыкIохэр зэнэкъокъугъэх.
Адыгеим ихэшыпыкIыгъэ командэ кIэлэ 55-рэ ыкIи пшъэшъэ 14 хэхьагъэх. Краснодар краир къэзыгъэлъэгъуагъэр нэбгыри 193-рэ.
Республикэм идзюдоистхэм хагъэунэфыкIырэ чIыпIи 6 къа­хьыгъ. Тыжьын медальхэр къафагъэшъошагъэх Шъэумэн Бис­лъан, Юрий Щетинкэм, ыкIи Ева Маначенкэм. Ящэнэрэ хъугъэх Хьасанэкъо Алый, ПIатIэкъо Батыр ыкIи Тюльпэрэ Мыхьамэт.