ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» зичэзыу ешIэгъу мы мафэхэм иIагъ. Республикэм икъэлэ шъхьаIэ ихьэкIагъ Краснодар краим икомандэу «Кубань Холдингыр».

«Зэкъошныгъ» — «Кубань Холдинг» — 1:2 (1:1).
«Зэкъошныгъэм» щешIагъэх: Т. Хачировыр, И. Оразаевыр,У. Магомедбековыр, М. Ягьяевыр, И. Камневыр, И. Абдуллаевыр, Ш. Гайдаровыр, З. Коблыр, М. Коломийцевыр, Н. Сергеевыр, А. Делэкъор. Джащ фэдэу ешIапIэм къихьагъэх: А. Хьасанэкъор, С. Хубежовыр, К. Аухадеевыр, Д. Антоненкэр.
ЗэIукIэгъур тикомандэ дэгъоу ригъэжьагъ, я 20-рэ такъикъым пчъагъэр къызэIуихыгъ. Ау хьа­кIэхэр ащ къезэгъыгъэхэп, яешIакIэ рагъэхъугъ ыкIи я 36-рэ такъикъым пчъагъэр зэфэдиз ашIыгъ. Я 2-рэ таймым «Кубань Холдингым» ятIонэрэ Iэгуаор къэлапчъэм дидзагъ, текIоныгъэр къыдихыгъ.
— Мыщ фэдэ зэфэхьысыжь тежагъэп. Я 35-рэ такъикъым нэс тифутболистхэм яешIакIэ уигъэ­рэзэнэу щытыгъ, бэ къыддэхъущтыгъэри. Ау етIанэ хьакIэхэм тIогъогогъо Iэгуаор тикъэлапчъэ къыдадзагъ, зэIукIэгъур ахьыгъ, — къыIуагъ зэфыхьысыжьхэр къышIызэ «Зэкъошныгъэм» ит­ренер шъхьаIэу Беслан Аджинджал.
Я 4-рэ турым изэфэхьысыжьхэр:
«Ангушт» — «Астрахань» — 0:0, «Спартак Налщык» — «Севастополь» — 1:1, «Строитель» — «Форте» — 1:0, «Зэкъошныгъ» — «Кубань Холдинг» — 1:2, «Рубин Ялта» — «Динамо-2» — 2:0, «Легион» — «Победа» — 1:0, «Алания-2» — «Ростов-2» — 1:7.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Рубин Ялта» — 9.
2. «Легион» — 9.
3. «Астрахань» — 7.
4. «Ростов-2» — 6.
5. «Биолог-Новокубанск» — 4.
6. «Кубань Холдинг» — 4.
7. «Форте» — 3.
8. «Зэкъошныгъ» — 3.
9. «Строитель» — 3.
10. «Спартак Налщык» — 3.
11. «Победа» — 2.
12. «Динамо Ставрополь» — 2.
13. «Нарт» — 2.
14. «Севастополь» — 1.
15. «Ангушт» — 1.
16. «Динамо-2» — 1.
17. «Алания-2» — 1.
    Ятэфэнэрэ турым «Зэкъошныгъэр» Ставрополь икомандэу «Динамо» зыфиIорэм дешIэщт.