СпортымкIэ дунэе класс зиIэ мастерэу, Къэрэщэе-Щэрджэс Республикэм и Лъэпкъ ЗэIукIэ идепутатэу М.А. Къуныжъым ишIэжь фэгъэхьыгъэ турнир къалэу Щэрджэскъалэ щыкIуагъ. Шъолъыр зэфэшъхьафхэм къарыкIыгъэ лIыкIуи 180-м ехъумэ заушэтыгъ.

Хабзэ зэрэхъугъэу, Адыгэ Республикэм испортсменхэм гъэхъэгъэ­шIухэр ашIыгъэх. ТекIоныгъэр къыдахыгъ Алыбэрд Муслъимрэ (тренерыр ГуIэтыжь Хъалид) ХъорэлI Ислъамрэ (Нэгъой Ибрахьим). ЯтIонэрэ чIыпIэр къафагъэшъошагъ Цундышк Ислъамрэ (Хьабэхъу Адам) Нэныжъ Салимрэ (Нэныжъ Байзэт). Джэрз медальхэр къа­хьыгъэх Хьабэхъу Салбый, ЦIыкIу Аскэр, Цундышк Салбый. Мыхэр зыгъасэхэрэр Хьабэхъу Адам.