Урысыем IофшIэнымкIэ и Министерствэ ыкIи Социальнэ фондыр игъу­сэхэу Урысыем и Почтэ сэкъатныгъэ зиIэхэу ыкIи макIэу зе­кIорэ цIыфхэу тикъэралыгъо ишъолъыр 70-мэ ащы­псэухэрэм щыIэ­ныгъэм хэзыгъэгъозэжьыхэрэ техническэ Iэмэ-псымэхэр афащэщтых, ахэм ащыщ Адыгэ Республи­кэри.

Техническэ Iэмэ-псымэхэр унэм афащэжьын алъэкIыщт — Почтэм икурьер цIыфымкIэ нахь Iэрыфэгъу уахътэм ахэр IэкIигъэхьажьыщтых, джащ фэ­дэу отделениехэми ежь-ежьырэу ачIахыжьынхэ амал яIэщт. Почтэм цыхьэу къыфашIырэм джыри хагъэхъон агу хэлъ.
Президентэу Владимир Путиным Джэпсалъэу мэзаем Федеральнэ ЗэIукIэм фигъэхьыгъэм къыщыхигъэунэфыкIыгъ сэкъатныгъэ зиIэ цIыф­хэм алъыплъэгъэнымкIэ ящыкIэгъэ фэIо-фашIэ­хэм ягъэ­цэкIэн 2030-рэ илъэсым нэс зэшIуахын зэрэфаер.
«Почтэм ипшъэрылъыр къэ­ралыгъом цыхьэ зыфишIырэ IэпыIэгъушIу фэхъугъэныр ары. Зипсауныгъэ зэщыкъуагъэхэм ащыщыбэ кIо­шъухэрэп е макIэу мэзекIох. Почтэм иамалхэр къыз­фэдгъэфедэхэзэ, техническэ Iэмэ-псымэхэу къашъхьапэщтхэр нахь псынкIэу тихэгъэгу ишъо­лъыр зэфэшъхьафхэм ащыпсэухэрэм алъыдгъэ­Iэсыщтых», — къыхигъэщыгъ Урысыем и Почтэ игенеральнэ пащэу Михаил Волковым.
ИкIыгъэ илъэсым ыкIэхэм адэжь тест шIыкIэм тетэу Псковскэ ыкIи Калининградскэ хэку­хэм техническэ Iэмэ-псымэхэр цIыфхэм афащэжьыгъэх. Нэбгырэ мини 2-м ехъумэ почтэр IэпыIэгъу афэхъугъ. Джы мы илъэсым ыкIэ нэс электроннэ сертификатхэмкIэ продукциер атышъунэу агъэпсыным дэлажьэх. Джащ фэдэу компанием техническэ Iэмэ-псымэу щыIэны­гъэм хэгъэгъозэжьы­гъэнхэмкIэ цIыфхэм IэпыIэгъу афэхъухэрэр интернет-тучанэу «Почта-маркет» зыфиIорэм икаталог хагъэхьащт.
Почтэм иамалхэр къызфэдгъэфедэхэзэ, техническэ Iэмэ-псымэхэу къашъхьэпэщтхэр нахь псынкIэу тихэгъэгу ишъолъыр зэфэшъхьафхэм ащыпсэухэрэм алъыдгъэIэсыщтых», — къы­хигъэщыгъ Урысыем и Почтэ игенеральнэ па­щэу Михаил Волковым.