ФутболымкIэ Урысыем изэнэкъокъу иятIонэрэ лигэ щешIэрэ «Зэкъошныгъэм» зичэзыу лъэхъаным къыдыхэлъытагъэу ящэнэрэ ешIэгъу иIэщт.

Республикэм икъэлэ шъхьа­Iэ къеблэгъэщт Краснодар краим хэхьэрэ станицэу Павловскэм икомандэу «Кубань Холдингыр».
Беслан Аджинджал зипэщэ командэм ешIэгъуитIу иIагъ, зым текIоныгъэр къыщыди­хыгъ, адрэр шIуахьыгъ. Джырэ уахътэм «Зэкъошныгъэм» я 8-рэ чIыпIэр еубыты, «Кубань Холдингыр» я 13-м щыт.
ЗэIукIэгъур непэ сыхьатыр 4-м рагъэжьэщт. Футболыр зыгу рихьыхэрэр ащ еплъынхэу зэхэщакIохэм рагъэблагъэх.