ФутболымкIэ Къыблэ ыкIи Темыр-Кавказ фе­деральнэ шъолъырхэм язэнэкъокъухэм ахэлэ­жьэрэ Адыгеим иныбжьыкIэ командэхэм те­кIоныгъэкIэ язэIукIэгъухэр рагъэжьагъэх.

Республикэр къэзыгъэлъагъо­хэрэр 2008 — 2009-рэ илъэсхэм къэхъугъэ кIалэхэр ары. Тикоман­дэхэр купэу «КъохьапIэм» хэтых. Мыекъуапэ ифутболистхэр аIу­кIэщтых Республикэу Дагъыстан, Краснодар краим ыкIи Ростов хэкум ялIыкIохэм.
Зэнэкъокъухэм къадыхэлъы­тэгъэ апэрэ ешIэгъум щызэIукIагъэх «Зэкъошныгъ-2009-р» ыкIи «Мэщыкъор» (Пятигорск). Тренерхэу Вячеслав Охрименкэмрэ Батырбый Руслъанрэ ­агъэсэрэ тикIалэхэм ухьазы­рыныгъэ дэгъу къагъэлъэгъуагъ, пчъагъэр 8:0-у текIоныгъэр къыдахыгъ.
Къэлапчъэм Iэгуаор дэзы­дзагъэхэр: Лъащэкъо Алан (2), Ма­гамед Атласкировыр (2), Шэу­джэн Ислъам, Шышэ Салим, Ярослав Кривопаловыр, Гъомлэшк Дамир.
«Зэкъошныгъ-2008-м» ешIэкIэ дахэ къыгъэлъэгъуагъ, пчъагъэр 10:0-у Пятигорскэ икомандэ къы­шIуихьыгъ.
Къэлапчъэм Iэгуаор дэзыдза­­гъэхэр: Ламыкъо Пщымаф (2), Адонис Кесовыр (2), Серж Геворгян, Семен Азаровыр, Вяче­слав Ру, Влад Сахновыр, Куфэнэ Азэмат, Шъоджэ Тимур.
КъыкIэлъыкIощт ешIэгъухэр тикомандэхэм Таганрог щыряIэщтых. ЗэрагъэнэфагъэмкIэ, зэ­нэ­къокъу­хэр Iоныгъом нэс кIощтых.