Мэлылъфэгъум и 12-р – космонавтикэм и Маф
Адыгэ Республикэм щыпсэухэу лъытэныгъэ зыфэтшIыхэрэр!
Космонавтикэм и МафэкIэ тышъуфэгушIо!
Космическэ къухьэу «Восток-1-м» исэу ыкIи ар ыгъэIорышIэзэ тихэгъэгогъоу Алексей ыкъо Юрий Гагариным дунаимкIэ апэрэу ЧIыгур къыбыбыхьагъ. Тарихъ мэхьанэшхо зиIэ хъугъэ-шIагъэу ар хъугъэ. Наукэмрэ техникэмрэ яхэхъоныгъэкIэ тихэгъэгу нэмыкIхэм зэрашъхьадэкIыгъэр ащ къыгъэлъэгъуагъ.
Непэ космосымкIэ ушэтынэу ашIыхэрэм мэхьанэшхо яI тихэгъэгу ихэхъоныгъэкIэ, экономикэмкIэ гъэхъагъэу ышIыхэрэми ащ ифэмэ-бжьымэ къатырехьэ. Урысыем ишIэныгъэлэжьхэм, иинженерхэм, иконструкторхэм яIэпэIэсэныгъэ ишIуагъэкIэ хэгъэгум иракет-космическэ отраслэ тапэкIи ыкIуачIэ зэрэхигъэхъощтым, Урысыер космосым ылъэныкъокIэ къэралыгъо пэрытэу ренэу зэрэщытыщтым тицыхьэ телъ.
Мы лъэныкъомкIэ Iоф зышIэрэ пстэуми непэ тафэлъаIо псауныгъэ пытэ яIэнэу, гъэхъэгъакIэхэр ашIынхэу. Урысые космонавтикэм игъэхъагъэхэм
ти Хэгъэгушхо ищытхъу джыри нахь лъагэу арэIэт!
Адыгэ Республикэм
и ЛIышъхьэу, Урысые политическэ партиеу «Единэ Россием»
и Адыгэ шъолъыр къутамэ
и Секретарэу КъумпIыл Мурат
Адыгэ Республикэм
и Къэралыгъо Совет — Хасэм
и Тхьаматэу Владимир Нарожнэр