Урым-рим бэнэнымкIэ дунэе класс зиIэ мастерэу ЕкъутэкI Исмахьил ишIэжь фэгъэхьыгъэ зэнэкъо­къухэр къалэу Краснодар щыкIуагъэх.

Зыныбжь илъэс 15-м шIомыкIыгъэ спортсменхэм заушэтыгъ. Къыблэ ыкIи Гупчэ федеральнэ шъо­лъырхэм къарыкIыгъэ нэбгырэ 200 фэдиз алырэ­гъум щызэIукIагъэх.
Тэхъутэмыкъое районыр къэзыгъэлъэгъогъэ Эрик Ширинян ятIонэрэ чIыпIэр къыдихыгъ, тигъэгушIуагъ.
ЕкъутэкI Исмахьил Европейскэ чемпионхэм я Кубок къыдихыгъ, РСФСР-м щыпсэурэ цIыф ­лъэпкъ­хэм я Спартакиадэ ичемпион, СССР-м ыкIи РСФСР-м ащызэхащэгъэ зэнэкъокъухэм гъогогъу пчъагъэрэ хагъэунэфыкIырэ чIыпIэхэр къащыдихыгъэх. Урым-рим бэнэнымкIэ къэралыгъом испортсмен анахь лъэшхэм ащыщ.