«Абрамовым и Кубок» къыдэхыгъэным фэгъэ­хьыгъэ зэнэкъокъум ветеранхэм якомандэхэм ащыщэу текIоныгъэр къыщыдэзыхыгъэр, джащ фэдэу ныбжьыкIэ турнирым ифиналныкъо ихьа­гъэхэр мы мафэхэм къэнэфагъэх.

Ветеранхэр зыхэт команди
5 зэнэкъокъугъэх: «ВНГ», «Джокер», «Ротор», «Щагъдый», «Штурм». ЗэкIэми анахь ешIэкIэ дахэ къэзыгъэлъэгъуагъэр ыкIи ифэшъуашэу текIоныгъэр къы­дэзыхыгъэр «ВНГ-р» ары. Ащ зэIукIэгъоу иIагъэхэм ащыщэу 3-р къыхьыгъ, зыр зэфэдизэу ­ыухыгъ. ЯтIонэрэ чIыпIэр къызфагъэ­шъошагъэр командэу «Штурм», «Щагъдыир» ящэнэрэ хъугъэ.
НыбжьыкIэхэм ятурнир олимпийскэ шIыкIэм тетэу рагъэкIокIы. ЗэкIэмкIи ащ командэ 12 хэлэ­жьагъ, ау непэрэ мафэм ехъулIэу къэнагъэр 4. Мэлылъфэгъум и 13-м ахэр зэдешIэщтых ыкIи финалым ихьащтхэр къэнэфэщтых. Мы мафэм сыхьатыр 11-м зэIукIэщтых: «Ошъутен-2» — «АГУ», «Ошъутен-1» — «Спортмастер-2».