СамбэмкIэ Къыблэ федеральнэ шъолъырым ипервенствэ къалэу Ермэлхьаблэ щыкIуагъ. Илъэс 12 — 14 зыныбжь кIалэхэр ащ хэлэжьагъэх.

ЗэкIэмкIи спортсмен 300-м ехъумэ заушэтыгъ. Хабзэ зэрэ­­хъугъэу, Адыгэ Республикэм илIы­­кIохэм гъэхъэгъэшIухэр ашIыгъ, хагъэунэфыкIырэ чIыпIэхэр къыдахыгъ.
ТекIоныгъэр къыфагъэшъошагъ ЦIыкIу Аскэр (тренерыр Хьабэхъу Адам). ЯтIонэрэ чIыпIэр къыдихыгъ Максим Кураевым (Джарымэкъо Аслъан), ящэнэрэ хъугъэх ШъэуапцIэкъо Салбый (Джарымэкъо Рустамрэ Джары­мэкъо Азмэтрэ), Бэгъушъэ Астемир (Нэгъой Ибрахьим), Уджыхъу Адам (Джарымэкъо Аслъан), Георгий Феодосиади (ГуIэтыжь Хъалид), Нэныжъ Хьис (Хьабэхъу Адам).
Тиспортсменхэм ыкIи ахэр зыгъасэхэрэм тафэгушIо, тапэкIи гъэхъэгъэшIухэр ашIынхэу, Адыгеим ыцIэ дахэкIэ рарагъэ­Iонэу афэтэIо.