Пцэжъые ешэнымкIэ Адыгеим ичемпионат Краснодар краим и Выселковскэ район щыкIуагъ. Мы лъэныкъомкIэ республикэм испортсмен анахь лъэшхэр ары зэнэ­къокъугъэхэр.

Турнирыр гъэшIэгъонэу кIуагъэ. Ащ хэлэжьагъэхэм зэкIэмкIи пцэжъые тонн мини 3,5-м ехъу (пчъагъэкIэ 1200-рэ) къыхахыгъ. Мы псыубытыпIэм щызэхащэгъэ зэнэкъокъухэмкIэ ар къэгъэлъэгъон анахь дэгъу.
Командэу «Адыгея 5» зыфи­Iорэм хэтхэ Кирилл Костинымрэ Сергей Куличковымрэ текIоныгъэр къыдахыгъ. Ахэм пцэжъые килограмм 419-м ехъу къаубытыгъ. Командэхэм язэнэкъокъу щатекIуагъэх Вячеслав Муковыр, Валерий Прохоровыр, Сергей Артюхиныр ыкIи Алексей Артюхиныр. Ахэм зэкIэмкIи пцэжъые килограмм 715-рэ къыхахыгъ. Пцэ­жъые анахь иныр (килограмми 9,8-м ехъу къещэчы) къэзыу­бытыгъэхэр Алексей Здражаевымрэ Владимир Петрушковымрэ.