Адыгэ Республикэм хэгъэгу кIоцI IофхэмкIэ и Министерствэ макъэ къегъэIу кIэлэцIыкIу творчествэм и Урысые зэнэкъокъоу «Полицейский Дядя Степа» зыфиIорэм ишъолъыр чэзыу зэрэзэхищэрэмкIэ.

Ащ хэлажьэ зышIоигъохэм унэгъо кIоцI хабзэу зэрахьэхэрэм, полицейскэхэр зэрыс унагъохэм афэгъэхьыгъэ Iэпэщысэхэр къырахьылIэн фае. Общественностым илIыкIохэр ары ахэм уасэ афэзышIыщтыр. Зэнэ­къокъум хэлажьэ зышIоигъохэм илъэси 6 — 14 аныбжьын фае.
Зэнэкъокъум кIэщакIо фэхъугъэхэр министерствэм къепхыгъэ Общественнэ советыр, къэбархэмкIэ ыкIи общественнэ зэпхыныгъэхэмкIэ отделыр, къулыкъум Iутхэм Iоф адэзышIэрэ гъэIорышIапIэр ары.
КIэлэцIыкIухэм яIэпэщысэхэр мыщ фэдэ чIыпIэм щыIэ комиссием мэлылъфэгъум и 30-м нэс IэкIагъэхьанхэ фае: къ. Мыекъуапэ, ур. Индустриальнэр, 2А/1, тел.: (8772) 59-63-18, 59-63-19.
КIэлэцIыкIухэм ятворческэ зэнэ­къокъоу «Полицейский Дядя Степа» зыфиIорэм хэлажьэ зышIоигъохэм лъэIу тхылъ аIэкIагъэхьанэу щыт. IофшIагъэм ыцIэ, ар зыхэшIыкIыгъэр, Iэпэщысэр зышIыгъэм ылъэкъуацIэ, ыцIэ, ыныбжь, зыщыпсэурэ чIыпIэр, ителефон номер, е-mаil ащ итынхэ фае.
Адыгэ Республикэм и МВД
къэбархэмкIэ ыкIи
общественнэ
зэпхыныгъэхэмкIэ иотдел.