АР-м и ЛIышъхьэу КъумпIыл Мурат къэбзэныгъэм имазэ зэрэрагъэжьагъэм фэгъэхьыгъэ унашъом кIэтхэжьыгъ. Ащ къыдыхэлъытагъэу мэлылъфэ­гъум и 5-м муниципалитет пстэуми ащыпсэухэрэр апэрэ гъэтхэ шIыхьафым хэлэжьагъэх.
Республикэм икъэлэ шъхьаIэ ипредприятие ыкIи иорганизацие зэфэшъхьафхэм, къэлэ администрацием, министерствэхэм, ведомствэхэм яIофышIэхэр, ныбжьыкIэхэр, волонтерхэр ыкIи нэмыкIхэри а Iофтхьабзэм хэлэжьагъэх — пстэумкIи нэбгырэ 3800-рэ фэдиз.
Анахьэу анаIэ зытырагъэтыгъэхэр хэбзэнчъэу хэкIитэкъупIэ ашIыгъэ чIыпIэхэр ары. ХэкI кубометри 170-рэ фэдиз, къалэм къыхиубытэрэ чIыпIэхэм уцыжъхэр ащаугъоигъэх ыкIи Iуащыгъэх. Ахэм апае транспорт 16 агъэфедагъ.
Адыгэкъалэ ипащэу Хьачмамыкъо Азэмат и Телеграм-каналкIэ къыIотагъ шIыхьафыр зэрэкIуа­гъэм фэгъэхьыгъэу.
Джащ фэдэу Мыекъопэ, Теуцожь, Тэхъутэмы­къое, Шэуджэн, Красногвардейскэ, Кощхьэблэ ыкIи Джэджэ районхэм ячIыпIэхэм ягъэкъэбзэнкIэ Iоф­тхьэбзэшхохэр ащызэшIуахыгъэх.
Александра Балабась.