Мэлылъфэгъум и 8-р — дзэ комиссариатхэм яIофышIэхэм я Маф
Дзэ комиссариатхэм яIофышIэхэу ыкIи яветеранхэу лъытэныгъэ зыфэтшIыхэрэр!
Урысые Федерацием и УIэшыгъэ КIуачIэхэм ядзэ-кадрэ Iофхэм язэшIохынкIэ, зэзэгъыныгъэм тетэу дзэ къулыкъур зыхьынэу фаехэм IэпыIэгъу ятыгъэнымкIэ, дзэ-патриот пIуныгъэр гъэлъэшыгъэнымкIэ, дзэм шъхьэкIафэу фашIырэм хэгъэхъогъэнымкIэ Iофтхьабзэхэр нахь игъэкIотыгъэу зэхэщэгъэнхэр — ахэр ары пшъэрылъ шъхьаIэу дзэ комиссариатхэм яIэхэр. Къэралыгъомрэ обществэмрэ ящыIэныгъэ ахэм чIыпIэшхо зэрэщаубытырэм уехъырэхъышэнэу щытэп.
Непэ тихэгъэгу къиныгъоу къыкъокIыхэрэм зыщапэуцужьырэ лъэхъаным а Iофыгъохэр тэрэзэу зэшIохыгъэ хъунхэм мэхьанэшхо иIэу щыт. Дзэ комиссариатхэм яIофышIэхэм пшъэдэкIыжь ин зыхэлъ Iофэу агъэцакIэрэм елъытыгъ хэгъэгум щынэгъончъэнымкIэ иIофхэм язытет зыфэдэщтри, дзэ къулыкъум щэгъэнхэм иIоф игъом ыкIи тэрэзэу зэшIохыгъэ зэрэхъущтри.
ШъуимэфэкI ехъулIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, ти Хэгъэгушхо — Урысые Федерацием ифедэ зыхэлъ ублэпIэ пстэуми гъэхъагъэхэр ащышъушIынхэу!
Адыгэ Республикэм и ЛIышъхьэу,
Урысые политическэ партиеу “Единэ Россием” и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу Владимир Нарожнэр