Псауныгъэм и Дунэе мафэ ехъулIэу мэлылъфэгъум и 1-м къыщегъэжьагъэу и 7-м нэс цIыфхэм апкъышъол псыхьэгъэным фэгъэхьыгъэ Iофтхьабзэхэр зэрахьащтых.

Псауныгъэм икъэухъумэнкIэ Дунэе организацием цIыфхэм игъо афелъэгъу такъикъи 150-рэ замыгъэулэущэу аIэпкъ-лъэпкъхэм Iоф арагъэшIэнэу е яшъыпкъапIэ рахьылIэзэ, такъикъ 75-рэ спорт лъэпкъхэм апылъынхэу. Научнэ ушэтынхэм къызэраушыхьатырэмкIэ, цIыфхэм аIэпкъ-лъэпкъхэр зэрагъэулэурэмрэ гу-лъынтфэ узхэр къызэряуталIэхэрэмрэ зэпхыгъэх. ЗиIэпкъ-лъэпкъ икъоу зымыгъэулэухэрэм узхэр нахьыбэу къяуталIэх, хьадэгъур нахь псынкIэу къалъэIэсы. Спортым пылъхэм ягъэпшагъэмэ, темызекIухьэхэрэм япроцент 33-мэ хьадэгъур нахь пасэу къалъэIэсы. Джащ фэдэу зы чIыпIэ исхэм адэбз узхэр къяутэлIэнхэм ищынагъуи щыI. ГущыIэм пае, ащ фэдэ бзылъфыгъэхэм япроцент 21-мэ абгъэ адэбзыр хидзэн ылъэкIыщт. ЗиIэпкъ-лъэпкъхэр икъоу зыгъэулэухэрэр псынкIэу жъы хъухэрэп.