Адыгэ Республикэм изаслуженнэ сурэтышIэу, Хэгъэгу зэо­шхом хэлэжьагъэу Владимир Мехед къызыхъугъэр илъэси 100 зэрэхъурэм фэгъэхьыгъэ къэ­гъэлъэгъон мэлылъфэгъум
и 9-м Адыгеим исурэт къэгъэлъэгъуапIэ къыщызэIуахыщт. IэпэIасэм иIэшIэгъэ 40 ащ хэ­хьащт.

В. Мехед Краснодар дэт художественнэ училищыр къыухыгъ. Анахьэу пейзажым ишIын пылъыгъ ыкIи ар дэгъоу къыдэхъущтыгъ. IэпэIасэм дунаим шIу­лъэгъуныгъэу фыриIэр исурэтыбэмэ къащигъэлъэгъуагъ.
Сурэт пэпчъ псэ пытэу фэбагъэ горэ къыбгъодэкIы, дунэе хьалэмэтым тыхещэ. IэшIагъэхэм тыкъэзыуцухьэрэ дунаим идэхагъэ къыдгурагъаIо.
В. Мехеж иIэпэIэсэныгъэ Урысыем осэ ин щыфашIы ыкIи ащ исурэтхэр музейхэм, къэгъэлъэгъуапIэхэм ачIэлъ. Ар лирик пхъашэу ыкIи философ гъэшIэгъонэу щытыгъ.
В. Мехед итворчествэ уасэ фэзышIыхэрэр къэгъэлъэгъоным икъызэIухын хэлэжьэнхэ алъэкIыщт. Мэ­лылъфэгъум и 21-м нэс ар кIощт.
Лъэпшъыкъо
Фатим.