Кушъхьэфэчъэ спортымкIэ Мыекъуапэ ипервенствэ мы мафэхэм республикэм икъэлэ шъхьаIэ щыкIуагъ.

Къырым Урысыем къызэрэхэхьажьыгъэм ихэгъэунэфыкIын ар фэгъэхьыгъагъ. Iофтхьабзэм кIэщакIо фэхъугъэх Мыекъуапэ физическэ культурэмкIэ ыкIи спортымкIэ и Комитетрэ кушъхьэфэчъэ спортымкIэ олимпийскэ резервым испорт еджапIэрэ.
Илъэс 11 — 16 зыныбжь спортсмени 140-рэ хагъэунэфыкIырэ чIыпIэхэм афэбэнагъэх. ТекIоныгъэр къыдахыгъ Александр Маисеенкэм, Демид Тихоновым, Вадим Ларичевым, Дарья Маисеенкэм, Светлана Алексеевам ыкIи Анна Ашеуловам.