КIэлэцIыкIу тхылъым и Дунэе мафэ ехъу-лIэу тхэкIо ныбжьыкIэу Славяна Бушневам итхылъ адыгабзэкIэ зэрадзэкIыжьыгъ.

Ос цIыф цIыкIум, адыгэ ыкIи урыс кIэлэцIыкIухэм къяхъулIэгъэ хъугъэ-шIагъэхэм ар афэгъэхьыгъ. Ащ гъэшIэгъоныбэ ит, Адыгеим ичIыопс идэхагъэ къыщыреIотыкIы. Шъугу къэдгъэкIыжьын тхэкIо ныбжьыкIэм итхылъ техыгъэ мультфильмэр мы илъэсым къыдэкIынэу зэрэщытыр. Урысые Федерацием щыпсэурэ цIыф лэпкъ зэфэшъхьафхэм абзэкIэ геройхэр къэгущыIэщтых.
Тхыгъэр адыгабзэкIэ зэзыдзэкIыгъэр философие шIэныгъэхэмкIэ кандидатэу Тыгъу Рэмэзан. Тхылъым тет сурэтхэр зышIыгъэр Дыгъу Айтэч.
ДЕЛЭКЪО Анет.
Сурэтыр: Славяна Бушневам ихъарзынэщ.