Ростов-на-Дону щызэIукIагъэх
Къыблэ федеральнэ шъолъырым теннис цIыкIумкIэ ипервенствэ мы мафэхэм къалэу Ростов-на-Дону щэкIо. Зыныбжь илъэс 14-м емыхъугъэ спортсменхэм ащ зыщаушэты.
Зэнэкъокъухэм ахэлажьэ Адыгеим ихэшыпыкIыгъэ команди. Ащ хэхьагъэх Мыекъуапэ илIыкIохэу Бзаго Дамир, Артем Вариводиныр ыкIи Адам Матюшиныр, джащ фэдэу поселкэу Яблоновскэм щыщ Матвей Куимовыр.
Адыгеим икомандэ анахь ныбжьыкIэхэм ащыщ. Зэнэкъокъухэм ахэлажьэх Адыгеим, Краснодар краим, Астраханскэ, Волгоградскэ, Ростовскэ хэкухэм, Къырым ялIыкIохэр, зэкIэмкIи спортсмени 101-рэ.