Яшъхьэгъусэхэр зэуапIэм Iоты­фэхэ ежьхэри хьаулыехэрэп.

ХэушъхьафыкIыгъэ дзэ операцием хэлажьэхэрэм яшъхьэгъусэхэм зэхащэгъэ э волонтер зэхахьэу «Тихий фронт» зыфиIорэм зичэзыу IэпыIэгъур зэуапIэм ыщэнэу ыгъэхьазырыгъ. Гъомылапхъэхэм анэмыкIэу псэолъэшIынымкIэ Iэмэ-псымэхэмрэ нэмыкIэу ящыкIагъэхэмрэ аугъои­гъэх. Ахэм язэгъэуIункIэ макъэ агъэIуи, шIоигъоныгъэ зиIэ пстэури къахэлэжьагъ.
— Мызыгъэгум бэу тщэрэр гъэцэ­кIэжьын IофшIэнхэм апае ящыкIагъэхэр ары. ГущыIэм пае, пхъэ пIуакIэхэр хьандэчхэр къаIулIыхьанхэм пай. Хъытыухэри ящыкIэгъэ дэдэх. Ахэр бэу тэщэх. ЗэкIэри ежь дзэкIолIхэр къызкIэлъэIугъэ закIэх, — къытфиIотагъ «Тихий фронтым» иволонтерэу Наталья Рябикинам.
Наталья Рябикинар волонтер зэхахьэм икIэщакIохэм ащыщ, ишъхьэгъусэ хэу­шъхьафыкIыгъэ дзэ операцием щыI. ГъэрекIопагъэ имэзэе мазэ къыщегъэ­жьагъэу шIушIэным зыфагъэзагъ. ЗэуапIэм Iутхэм яшъхьэгъусэхэм анэмыкIэу ныхэри, зишIуагъэ къэзыгъакIо зышIоигъохэри ясатырэ хэтых.
— «ЛIыхъужъхэм яшъхьэгъусэхэр» зыфиIорэ Iофтхьабзэм зэкIэ къыщежьагъ. Апэ сурэтхэр зытетхыщтыгъэ къодый, ау шIэхэу къыдгурыIуагъ шIуагъэ горэ къэтхьын, тадэIэпыIэн зэрэфаер. Джащ тетэу тиIоф ехьыжьагъэ хъугъэ. Тишъхьэгъусэхэм акIыб тыдэтэу тфызэшIокIыщтыр тэшIэ, — къыддэгощагъ Наталья Рябикинар.
ШIушIэ IэпыIэгъоу «Тихий фронтым» ыугъоигъэр зыщэхэрэр гъогу техьагъэх. Херсон хэкум ар нагъэсыщт. Ау ащ Iоф­шIэныр щызэпыурэп, зичэзыу IэпыIэгъум иугъоин къыкIэлъыкIощт.
Анцокъо Ирин.