Пыдзэфэ инэу цIыфхэм къырахырэр джырэ фэдэ уахътэм нахьыбэ мэхъу. Сыда пIомэ дунаир къызыфабэкIэ унэхэм гъэцэкIэжьын IофшIэнхэр арашIылIэнхэу рагъажьэ, унэгъо псэуалъэхэр зэбла­хъух… Ащ фэшI пыдзэфэ инхэм шъузэрадэзекIощтыр джыри зэ шъугу къэтэгъэкIыжьы.

Пыдзэфэ инкIэ алъытэхэрэм ащыщых унэгъо псэуалъэхэр, гущыIэм пае, пIэкIор, стол, пхъэнтIэкIу зыфэпIощтхэр, унэгъо техникэр, спортым епхы- гъэ пкъыгъохэр, гъэцэкIэжьын IофшIэнхэм къапыкIыгъэхэр, нэмыкIхэр.
Фэтэрыбэу зэхэт унэхэм ачIэсхэм хэкIыр зэрахьылIэрэ чIыпIэхэм пыдзэфэ инхэм апае чIыпIэхэр хэушъхьафыкIыгъэу яIэх. Унэе псэупIэхэм ачIэсхэм тхьамафэм зэ щагум къыдахынышъ, гъогу гъунэм къагъэтIылъынэу щыт. Графикым диштэу ар Iуащы.
Къыхэдгъэщымэ тшIоигъу, хэкIитэкъупIэ чIыпIэхэр муниципальнэ образованиехэм къагъэнэфэгъэ чIыпIэхэм ащыгъэпсыгъэх. Арышъ, ахэм ашIокIэу, ежь зыщышIоигъом пыдзафэхэр щызэтезытакъохэрэм унашъоу щыIэр аукъо.
Шъугу къэтэгъэкIыжьы, графикэу хэкIыр зэрэIуащырэр шъолъыр операторым иинтернет нэкIубгъо ит. Мары ащ иадрес: https:adygeya.clean-rf.ru. УпчIэ е гумэкIыгъо зиIэхэр мы телефонхэмкIэ теонхэ алъэкIыщт: 8.962-868-14-62, 8.800-707-05-08.