ЦIыфхэм хэкIэу къырахырэм ыпкIэ зэратыщт квитанциехэр игъом аIэкIахьэхэмэ «Эко-Центрэм» мы уахътэм еуплъэкIу.

Хэбзэгъэуцугъэм къызэрэщыдэлъытагъэмкIэ, пыдзафэхэм ядэщынкIэ фэIо-фашIэхэм апкIэ мазэ къэс и 10-м шIомыкIэу зэкIэми атын фае. Ащ фэшI, и 10-р зытекIыкIэ ар зэрытхэгъэ тхьапэхэр «ЭкоЦентрэм» егъэхьазырхэшъ, къы­хаутынхэу, етIанэ зэбгыращынхэу типографиемрэ почтэмрэ афегъэхьых. Ахэр къыкIэлъыкIорэ мазэм и 1-р къэмысызэ цIыфхэм аIэкIэхьанхэ фае.
Арэу щытми, квитанциехэр игъом къызэрафамыхьыгъэхэм къыгъэтхьаусыхэрэр нахьыбэ хъугъэ. Ащ фэдэ рихьылIагъэхэм охътабэ тырамыгъашIэу макъэ къы­тагъэIунэу тыкъяджэ. Ащ пае компанием иофисхэм шъукъякIуалIэмэ хъущт. Адресхэр шъугу къэтэгъэкIыжьых: Мыекъуапэ, урамэу Пионерскэр, 297-рэ, Адыгэкъал, урамэу Советскэр, 2В, поселкэу Яблоновскэр, урамэу Школьнэр 10/1. Джащ фэдэу «ЭкоЦентрэм» иинтернет нэкIубгъо е ителефонхэр жъу­гъэфедэхэми хъущт.
«ЭкоЦентрэм» и Адыгэ шъолъыр къутамэ
ипресс-къулыкъу.