Урысыем илъэпкъ гвардие иIофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым — Урысые Федерацием илъэпкъ гвардие идзэхэм я Мафэ фэшI тышъуфэгушIо!
ХэушъхьафыкIыгъэ дзэ операцием ишъолъыр щытхъу хэлъэу шъуипшъэрылъхэр щышъогъэцакIэх, къэралыгъомрэ цIыфхэмрэ яфедэхэр пытагъэ шъу­хэлъэу къэшъоухъумэх, терроризмэмрэ бзэджэшIагъэмрэ шъуапэуцужьы.
Iофэу жъугъэцакIэрэм пшъэдэкIыжь ин, блэнагъэ, IэпэIэсэныгъэшхо ищыкIагъ. Шъуикъулыкъу пшъэрылъхэр дэгъоу ыкIи псынкIэу зэрэзэшIошъухырэм бэкIэ ялъытыгъэщт Адыгэ Республикэм экономикэмкIэ, социальнэ лъэныкъомкIэ зэхъокIыныгъэхэу фэхъущтхэр, Адыгеим щыпсэухэрэм щыIакIэу яIэщтыр зыфэ­дэщтыр.
Урысые Федерацием илъэпкъ гвардие идзэхэм я Федеральнэ къулыкъу и ГъэIорышIапIэу Адыгэ ­Республикэм щыIэм иIофышIэхэмрэ иветеранхэмрэ гуфэбэныгъэ хэлъэу тафэгушIо республикэмрэ
ти Хэгъэгушхорэ яобщественнэ-политикэ ыкIи ясоциальнэ-экономикэ зыпкъитыныгъэ икъэухъумэн яIахьышхо зэрэхашIыхьэрэм, якъэралыгъо зэрэфэшъыпкъэхэм апае.
Псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ Iофым гъэхъагъэхэр щышъушIынхэу шъуфэтэIо!
Адыгеим и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожнэр