Мыекъуапэ испортсменхэм спорт щэрыонымкIэ зэхащэщт зэнэкъокъухэм зафагъэхьазыры.

Мы спорт лъэпкъымкIэ Урысыем и Кубок къыдэхыгъэным, джащ фэдэу ныбжьыкIэхэр зыхэлэжьэщтхэ зэнэкъокъухэм Адыгеим илIыкIохэм защаушэтыщт. Iофтхьабзэхэр Липецкэ хэкум ит къалэу Конь-Колодезь щыкIощтых, зэрагъэнэфагъэмкIэ мэлылъфэгъум и 8-м рагъэжьэнхэшъ и 18-м аухыщтых.
Адыгеим икомандэ зэнэкъокъухэм афэзыгъэхьазырырэр олимпийскэ чемпионэу, спортымкIэ заслуженнэ мастерэу Сергей Алифиренкэр ары.
Тиспортсменхэм ыкIи ахэм ятренер гъэхъэгъэшIухэр ашIынхэу, республикэм ыцIэ рарагъэIонэу афэтэIо.