ТикIэлэцIыкIухэм медалищ къахьыгъ
Краснодар краим теннис цIыкIумкIэ щыкIогъэ зэнэкъокъухэм Адыгеим итеннисистхэм медалищ къащахьыгъ.
Къутырэу Николаенкэм щырекIокIыгъэ Iофтхьабзэм Апшеронскэ, Шытхьалэ, Мыекъуапэ, Лэбапэ ыкIи Хъыдыжъ яспортсмен ныбжьыкIэхэм зыщаушэтыгъ.
Аныбжь елъытыгъэу ахэр купищэу гощыгъагъэх — илъэси 9, 11 ыкIи 14 хъугъэхэр. Куп пэпчъ спортсмен 16 фэдиз хахьэщтыгъ, ахэр хагъэунэфыкIырэ чIыпIэхэм афэбэнагъэх.
Адыгеим икIыгъэхэр пштэмэ, къуаджэу Нэшъукъуае щыщ ЯхъулIэ Нарт ящэнэрэ чIыпIэр къыдихыгъ. Пшъашъэхэм якъэгъэлъэгъонхэр нахь дэгъух: тыжьын медальхэр къахьыгъэх Мыекъуапэ щыщ Бзаго Даринэрэ къуаджэу Нэшъукъуае къэзыгъэлъэгъогъэ Чэтэо Аринэрэ.
Тиспортсменхэм тафэгушIо, тапэкIи гъэхъэгъэшIухэр ашIынхэу афэтэIо.