Гъэтхапэм и 23-р – Урысыем гидрометеорологиемкIэ икъулыкъу иIофышIэхэм я Маф, метеорологхэм я Дунэе маф
Адыгеим гидрометеорологиемкIэ икъулыкъу иIофышIэхэу ыкIи иветеранхэу лъытэныгъэ зыфэтшIыхэрэр!
Урысыем гидрометеорологиемкIэ икъулыкъу иIофышIэхэм я Мафэрэ метеорологхэм я Дунэе мафэрэ афэшI тышъуфэгушIо!
ЧIыопсым изытет зыфэдэщтым фэгъэхьыгъэ къэбархэу шъуикъулыкъу къытыхэрэр мэкъу-мэщымкIи, энергетикэмкIи, транспортымкIи, псэолъэшIынымкIи лъэшэу къашъхьапэх. Ащ фэдэ къэбархэр пэшIорыгъэшъэу зэраIэкIэжъугъахьэрэм ишIуагъэкIэ чIыопс тхьамыкIагъохэм къыздахьыхэрэр нахь псынкIэу дэгъэзыжьыгъэ мэхъух, экономикэм иотраслэхэмрэ социальнэ учреждениехэмрэ яIофшIэн зэпыурэп.
ЧIыопсым изытет гъунэ лъызыфырэ къэралыгъо къулыкъоу 1926-рэ илъэсым къыщегъэжьагъэу Адыгеим Iоф щызышIэрэр гидрометеорологиемкIэ ыкIи тыкъэзыуцухьэрэ дунаим изытет лъыплъэгъэнымкIэ Гупчэу Росгидрометым зэхищагъэм зыхахьэрэр илъэс 26-рэ хъугъэ. А уахътэм къыкIоцI Гупчэм хэхъоныгъэ ышIызэ ыпэкIэ лъэкIуатэ, чIыопсым изытеткIэ къэралыгъо уплъэкIунхэр зэпыу имыIэу зэхещэх, прогнозхэмкIэ шIыкIэ-амалыкIэхэр егъэфедэх.
Адыгеим гидрометеорологиемкIэ икъулыкъу иIофышIэхэми, иветеранхэми IэпэIэсэныгъэшхо зэрахэлъым, гуетыныгъэ фыряIэу зэрэлажьэхэрэм, Iофэу къыхахыгъэм зэрэфэшъыпкъэхэм, республикэм ихэхъоныгъэ яIахьышIу зэрэхашIыхьэрэм афэшI лъэшэу тызэрэфэразэр къэтэIо.
Ныбджэгъу лъапIэхэр, псауныгъэ пытэрэ щыIэкIэшIурэ шъуиIэнэу, Адыгеими, Урысыеми апае шъуиIофшIэн гъэхъагъэхэр тапэкIи щышъушIынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр