Шъолъыр зэфэшъхьафхэм ялIыкIохэр зыхэлэжьэгъэхэ зэнэкъокъоу «Педагог — профессия будущего!» зыфиIорэм изэфэхьысыжьхэр мы мафэхэм къэнэфагъэх.

Ар пэIудзыгъэ шIыкIэм тетэу кIуагъэ.
Адыгэ Республикэм икомандэ 22-рэ мыщ хэлэжьагъ, ахэр нахьыбэмкIэ профильнэ психолого-педагогическэ классхэм якIэлэеджакIох.
Зэнэкъокъум хэлэжьагъэхэм IофшIэни 3 агъэцэкIагъ. Гурыт еджапIэм къыщыхъугъэ хъугъэ-­шIагъэм хэкIыпIэу фагъотырэм къытегущыIагъэх, «КIэлэегъаджэ сыхъущт, сыжъугъас» зыфиIорэ къэгъэлъэгъон цIыкIу агъэхьазырыгъ, мы сэнэхьатым епхыгъэ тестирование акIугъ.
ЗэфэхьысыжьхэмкIэ апэрэ чIыпIэр Тэхъутэмыкъое районымкIэ гурыт еджапIэу N 7-мрэ Адыгэкъалэ дэт гурыт еджапIэу N 2-мрэ зэдагощыгъ. ЯтIонэрэ хъугъэ Тэхъутэмыкъое районым игурыт еджапIэу N 6-р.
Мы сэнэхьатым епхыгъэ апэ­рэ гъэхъагъэхэр кIэлэеджа­кIо­хэм ашIыгъэх.
АР-м гъэсэныгъэмрэ шIэныгъэмрэкIэ и Министерств