Адыгэ Республикэм и Къэралыгъо Совет – Хасэм ия 34-рэ зэхэсыгъо 2024-рэ илъэсым гъэтхапэм и 25-м зэIуагъакIэ.

Iофыгъоу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм и МВД 2023-рэ илъэсым Iофэу ышIагъэм икIэуххэм язэфэхьысыжьын; къыкIэлъыкIорэ законопроектхэу «Физическэ культурэмрэ спортымрэ яхьылIагъ», «Зыныбжь икъугъэхэм ащыщ куп гъэнэфагъэхэм анаIэ зэратырагъэтыщтым епхыгъэ Iофым изэхэщэн ехьылIагъ» зыфиIохэрэм зэхъокIыныгъэхэр афэшIыгъэнхэм фэгъэхьыгъэхэм ятIонэрэу ахэплъэгъэныр; законопроектхэу «Адыгэ Республикэм и Конституционнэ совет ехьылIагъ», «Административнэ хэукъоныгъэхэм яхьылIагъ», «Фэтэрыбэу зэхэт унэхэм ягъэцэкIэ­жьын игъом зэшIохыгъэнымкIэ Iофыгъо заулэхэм яхьылIагъ», «Унагъор, ныр, тыр ыкIи кIэлэцIыкIухэр къэухъу­мэгъэнхэм ехьылIагъ», «Адыгэ Рес­публикэм ис цIыфхэр ошIэ-дэмышIагъэ зыхэлъ чIыопс ыкIи техногеннэ нэшанэ зиIэ тхьамыкIагъохэм ащыухъумэгъэн­хэм ехьылIагъ» зыфиIохэрэм зэхъо­кIыныгъэхэр афэшIыгъэнхэм ехьылIагъэхэм апэрэу ахэплъэгъэныр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм изэхэсыгъо сыхьатыр 10-м рагъэжьэщт, Адыгэ Республикэм и ЛIышъхьэ и Координационнэ гупчэ (Жуковскэм иурам тет унэу N 22-м щыIэм) щыкIощт.
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр