Урысые Федерацием и Президентэу Владимир Путиным Кремль ордэунэжъышхом и Андреевскэ зал тыгъуасэ зэIукIэгъу щады­риIагъ ицыхьэшIэгъу цIыфхэу Урысыем и Президент ихэдзынхэм ялъэхъан къыкъоты­гъэхэм. Ахэм ащыщыгъ Адыгеим илIыкIо купи.

ТичIыгогъухэу УФ-м IофшIэнымкIэ и ЛIыхъужъэу, тхакIоу МэщбэшIэ Исхьакъ, Адыгеим ибзылъфыгъэхэм я Союз итхьаматэу Вэрэкъо Хьалимэт, я 7-рэ Мыекъопэ еджапIэм хьисапымкIэ икIэлэ­егъаджэу Сергей Левченкэм Адыгеир къагъэлъэгъуагъ.
ЗэIукIэгъум къекIолIагъэхэм рэзэныгъэ гущыIэхэр Владимир Путиным афигъэзагъэх хэдзын кампаниер мэкIофэ IэпыIэгъу къызэрэфэхъугъэхэм, Iоф зэрэзэдашIагъэм апае.
«УрысыякIэм игъэпсын фэIорышIэщт гъогур лъэныкъо зэфэшъхьафхэмкIэ къытпыщылъ: экономикэмкIэ, зы­къэухъу­мэжьын амалхэмкIэ, искусствэмкIэ, IэкIоцI политикэмкIэ, тикъэралыгъо ыкIи ащ икъэралыгъо институтхэм ягъэпсынкIэ, кIэкIэу къэпIон хъумэ, зэпстэоу тикъэралыгъо, ти Урысые, нахь пытэ, нахь лъэгъупхъэ ыкIи нахь шIуагъэ къыты зэрэхъущтхэмкIэ», — къыIуагъ Владимир Путиным.

Мы зэпстэум исоциальнэ нэкIубгъохэм ягугъу къыщишIызэ Адыгеим и ЛIышъхьэу КъумпIыл Мурат къыкIигъэтхъыгъ: «Президент лъэшыр – Урысые лъэш!»
Сурэтхэр: АР-м и ЛIышъхьэ ипресс-къулыкъу