Урысые Iофтхьабзэу «КъыдэгъэкIыжьын» зыфиIорэр гъэтхапэм и 29-м Адыгеим щаублэщт. Мыгъэ ащ иджэ­псалъэр «ТхылъыпIэжъхэр тыхи — чъыгыр къэгъэнэжь». АР-м тыкъэ­зыуцухьэрэ дунаир ыкIи чIыопс къэкIуапIэхэр къэухъумэгъэнхэмкIэ и ГъэIорышIапIэрэ проектэу «Подари дерево» зыфиIорэмрэ Iофтхьабзэр рагъэкIокIыщт. Ащ ипшъэрылъ шъхьаIэр тхылъыпэжъхэм якъыдэгъэкIы­жьын цIыфхэр фэпIугъэнхэр, хэкIитэкъупIэхэм япчъагъэ ыкIи чIыопс къэкIуапIэхэм ягъэфедэн гъэмэкIэгъэнхэр ары.
Iофтхьабзэм хэлэжьэн гухэлъ зиIэхэм зэкIэми хъытыу нэкIубгъоу «сдавайбумагу.рф» зыфиIорэм гъэтхапэм и 27-м нахь мыкIасэу яшIоигъоныгъэ къыщагъэлъэгъон фае. ТхылъыпIэжъ килограмм 300-м къыщегъэжьагъэу уугъоимэ хъущт. Iофтхьабзэм зэнэкъокъуныгъэ хэлъыщт: нахьыбэ къэзыугъоигъэхэм ацIэхэр къыраIощтых ыкIи шIухьафтынхэр къалэжьыщтых. Зы район е къалэм зэхэтэу килограмм 1000 нахьыбэ зэрагъэпэшмэ зы килограммыр зы сомэкIэ къафалъытэщт. Джащ фэдэу Iофтхьабзэм хэлэжьэщтхэм зэкIэми рэзэныгъэ тхылъхэр къяжэщтых.