Тиспортсменхэм медалитIу къахьыгъ
![Image description](images_upload?image_name=2024/03/самбо-общая.jpg)
СССР-м изаслуженнэ тренерэу, профессорэу Е. М. Чумаковым ишIэжь фэгъэхьыгъэ самбэмкIэ Урысые зэнэкъокъухэр зэхащагъэх. Тэхъутэмыкъое районым щыщ спортсменитIумэ мыщ гъэхъэгъэшIухэр щашIыгъэх, медальхэр къафагъэшъошагъэх.
Ермэлхьаблэ щыкIогъэ турнирым Къыблэ федеральнэ шъолъырым исубъекти 4-мэ ялIыкIо 50-м ехъумэ зыщаушэтыгъ. ХэшыпыкIын едзыгъом хэлэжьагъэх Пшызэ къэралыгъо университетым щеджэрэ Анцокъо Мыхьамэтрэ Пшызэ къэралыгъо университетым физическэ культурэмкIэ, спортымкIэ ыкIи зекIонымкIэ истудентэу Кобл Рэмэзанрэ. НэбгыритIури зычIэсхэ еджапIэхэм якомандэхэм ахэтыгъэх.
![](images_upload?image_name=2024/03/самбо-ЮФО-Анчок-и-Коблев.jpg)
Зэнэкъокъум изэфэхьысыжьхэмкIэ Кобл Рэмэзан текIоныгъэр къыдихыгъ, килограмм 58-м нэс къэзыщэчыхэрэм якуп ар щыбэнагъ. Анцокъо Мыхьамэт килограмм 71-м нэс къэзыщэчыхэрэм якуп зыщиушэтыгъ ыкIи ятIонэрэ чIыпIэр къыдихыгъ.
ТикIалэхэм Тэхъутэмыкъое районым ит апэрэ спорт еджапIэм зыщагъасэ, ятренерхэр Джарымэкъо Рустамрэ Азмэтрэ.