Зэдегъэштэн есынымкIэ зэнэ­къокъоу «Выше радуги» зыфиIорэр Ханты-Мансийскэ щыкIуагъ. Адыгеим илIыкIоу Виктория Исаковам мыщ ящэнэрэ чIыпIэр къыщыдихыгъ.

Урысыем ишъолъыри 10-мэ къарыкIыгъэхэ спортсмен 250-рэ Iофтхьабзэм хэлэжьагъэх. Москва, ХМАО-Югра, Свердловскэ, Тюменскэ, Челябинскэ, Московскэ, Кемеровскэ, Новосибирскэ хэкухэм, Адыге­им ыкIи Татарстан ялIыкIохэм заушэтыгъ.
Мыекъуапэ испорт еджапIэу В. С. Макси­мовым ыцIэ зыхьырэм зыщызыгъэсэрэ Вик­тория Исаковам спорт программэу «соло» зыфиIорэмкIэ джэрз медаль къы­хьыгъ, зыныбжь илъэс 13-м емыхъугъэхэм якуп ар хэтыгъ. ЯтIонэрэ чIыпIэр Свердлов­скэ хэкум щыщ Юлия Богачевам фагъэшъо­шагъ, Московскэ хэкур къэзыгъэлъэгъогъэ Полина Щекотихинам текIоныгъэр къыдихыгъ.