Щынэгъончъэным Федеральнэ къулыкъум Адыгэ Республи­кэмкIэ и ГъэIорышIапIэ иIо­фы­шIэхэм оперативнэ-лъыхъун Iоф­тхьабзэу зэрахьагъэхэм якIэуххэм нафэ къашIыгъ Кощ­хьэблэ районым щыщ илъэс 39-рэ зыныбжь А. А. Аулъэм ду­нэе террористическэ организациеу «Ислъам къэралыгъом» (Урысыем щызэхащэн фимытхэм) изекIуакIэ тэрэзэу зэрилъы­тэщтыгъэр, социальнэ хъытыу­хэм ащ зэращыдыригъаштэщтыгъэр, террористическэ, экстремистскэ нэшанэ зиIэ бзэджэшIагъэхэр хэбзэухъумэкIо къулыкъухэм яIофышIэхэмрэ ислъам диныр зымылэжьыхэрэмрэ адызэрахьанхэу быслъымэнхэм къызэряджэщтыгъэр.
ЩынэгъончъэнымкIэ Федеральнэ къулыкъум Адыгэ Рес­публикэмкIэ и ГъэIорышIапIэ иматериалхэр IэубытыпIэ къызыфашIыхэзэ, Урысыем и Уголовнэ кодекс ия 205.2-рэ статья ия 2-рэ Iахь (террористическэ актхэр зэрахьанхэу цIыфхэм къызэряджэщтыгъэм пае), Урысыем и Уголовнэ кодекс ия 280-рэ статья ия 2-рэ Iахь (экс­тремистскэ нэшанэ зиIэ бзэ­джэшIагъэхэр зэрахьанхэу цIыф­­хэм къызэряджэщтыгъэм пае) адиштэу А. А. Аулъэм уголовнэ Iоф къыфызэIуахыгъ.
Урысыем и Уголовнэ кодекс ия 205.2-рэ статья ия 2-рэ Iахьрэ ия 280-рэ статья ия 2-рэ Iахьрэ адиштэу Къыблэ шъо­лъыр дзэ хьыкумым А. А. Аулъэр ыгъэмысагъ. Илъэси 5-рэ мэзи 6-рэ хьапсым ар дэсынэу, Интернетым исайтхэр илъэси 3-рэ ыгъэIорышIэн фимытэу ыгъэнэфагъ. Апелляционнэ дзэ хьы­кумым Къыблэ шъолъыр дзэ хьыкумым унашъоу ышIыгъэм къыдыригъэштагъ.