ЩынэгъончъэнымкIэ Федеральнэ къулыкъум Адыгэ Рес­публикэмкIэ и ГъэIорышIапIэ иIофышIэхэм зэрагъэунэфы­гъэмкIэ, пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ипащэ игуадзэу Хъут Аслъан къыфэIорышIэрэ IофышIэм хэбзэнчъэу пшъэрылъ фишIыгъ пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ибаланс хэт административнэ унэхэм ягъучI пкъыгъохэр 2020-рэ илъэсым ибэ­дзэогъу къыщегъэжьагъэу ишы­шъхьэIу нэс зэпкъырихыжьынхэу ыкIи гъучIыжъхэр защаIахырэ чIыпIэхэм ахэр арищэнхэу. Ахэм ахъщэу къакIэкIуагъэр ежь зэрэшIоигъоу пащэм игуадзэ зэригъэкIуагъ.
Урысыем и Следственнэ ко­митет Адыгэ РеспубликэмкIэ иследственнэ ГъэIорышIапIэ има­териалхэр IэубытыпIэ къы­зы­фашIыхэзэ, Урысыем и Уголовнэ кодекс ия 286-рэ статья иа 1-рэ Iахь диштэу иIэнатIэ-
кIэ фитыныгъэу иIэхэм зэра­шъхьадэкIыгъэм пае Хъут Ас­лъан уголовнэ Iоф къыфызэ­Iуахыгъ.
Пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ипащэ игодзагъэм тазыр тыралъхьагъ. Хьыкумым уна­шъоу ыштагъэм хэбзэ кIуачIэ иIэ хъугъэ.
ЩынэгъончъэнымкIэ
Федеральнэ къулыкъум Адыгэ РеспубликэмкIэ
и ГъэIорышIапIэ
ипресс-къулыкъу