2024-рэ илъэсым имэзэе мазэ Адыгэ Республикэм ишъолъыр ешъуагъэу машинэр зезыфэщтыгъэ нэбгырэ 11 къыщыхагъэщыгъ, ахэм алъэныкъокIэ уголовнэ Iофхэр къызэIуахыгъэх.

Хъугъэ-шIагъэхэр нахьыбэу зыщагъэунэфыгъэхэр къалэу Мыекъуапэ — нэбгыриплI, Кощ­хьэблэ ыкIи Тэхъутэмыкъое районхэм — тIурытIу, Адыгэ­къа­лэ, Мыекъопэ ыкIи Красногвардейскэ районхэм — зырыз.
Гъогу инспекторхэм Кощ­хьэ­блэ районым къулыкъур щахьызэ, ВАЗ-21104-р къызагъэуцум, илъэс 44-рэ зыныбжь хъулъфыгъэу ар зезыфэщтыгъэр ешъуа­гъэу къычIэкIыгъ. 2022-рэ илъэ­сым мэкъуогъум а Iоф дэдэмкIэ пшъэдэкIыжь рагъэхьыгъэу щытыгъ.
Джащ фэдэу гъогу-патруль къулыкъум иIофышIэхэм Адыгэ­къалэ къыщагъэуцугъэ бзылъфыгъэу илъэс 38-рэ зыныбжьыр ешъуагъэу автомобилыр зэри­фэщтыгъ. Тэхъутэмыкъое районым къыщаубытыгъэ хъулъфыгъэу илъэс 27-рэ зыныбжьым джыри ятIонэрэу пшъэдэкIыжь рагъэхьыщт.
АР-м и Къэралыгъо авто­инспекцие иIофышIэхэм Кощ­хьэблэ районым щыщ хъулъ­фыгъэу илъэс 44-рэ зыныбжьыр, ыпэкIэ хьапс зытелъыгъэ илъэс 34-рэ зыныбжь хъулъ­фыгъэу Мые­къуапэ щыщыр ыкIи Красногвардейскэ районым щыщ хъулъфыгъэу илъэс 48-рэ зыныбжьэу пчъагъэрэ уголовнэ пшъэдэ­кIыжь зэрагъэхьыгъэр джыри ешъуагъэхэу къаубытыгъэх. Къы­зэ­рэнэфэгъэмкIэ, ахэм автомобилыр зэрафэнымкIэ фитыныгъэ яIагъэп. Джы ахэм илъэсищ хьапс къахьыщт.
Хэбзэукъоныгъэр зезыхьа­гъэхэм ятранспорт аIахыгъ. Нэбгырэ пэпчъ ылъэныкъокIэ дознанием уголовнэ Iофхэр къызэIуихыгъэх.