Мыекъуапэ волей­болымкIэ изэIухыгъэ чемпионат аублагъ.

Мыщ республикэм икъэлэ ­шъхьаIэ, Лабинскэ ыкIи Мыекъопэ районым яхъулъфыгъэ ыкIи ябзылъфыгъэ командэхэр хэла­жьэх.
Апэрэ турым зэфэхьысыжь гъэшIэгъонхэр фэхъугъэх. ГущыIэм пае, командэу «Дружина» зыфиIорэм мы зэнэкъокъум гъо­гогъу пчъагъэрэ ичемпионым къышIуихьыгъ. ТекIоныгъэ къыдахыгъ мы зэнэкъокъум апэрэу хэлэжьэхэрэ «Каштанымрэ» «Тульскэмрэ». «Ветеранхэр» зы­фиIорэ командэм хэтхэм мастер-класс къагъэлъэгъуагъ ыкIи Мыекъопэ спорт еджапIэм икоман­дэу 2009-рэ илъэсым къэ­хъугъэхэр зыхэтхэм текIуагъэх. «Авангардыр» Лабинскэ къикIыгъэ хьакIэхэм анахь лъэшыгъ.
Апэрэ турым
изэфэхьысыжьхэр:
«СШ N 1 (2008)» — «Каштан» — 0:3, «СШ N 1 (2009)» — «Ветеранхэр» — 1:3, «Авангард» — «Лабинск» — 3:1, «АГУ-­Мыекъуапэ» — «Тульскэр» — 2:3, «АГУ-Мары» — «Дружина» — 2:3.
Бзылъфыгъэ командэхэм язэ­IукIэгъухэр зэкIэ 3:0-кIэ аухыгъэх. Турнирым командэ 11 хэла­жьэ, ахэр лигитIоу гощыгъэх. Апэрэм нахь лъэшхэр хэхьа­гъэх: «АГУ», «Адыгея», «Виктория-АГУ», «МГТУ», «СШ N 1 (2007)» ыкIи «Тульский-1» зыфиIохэрэр.
Апэрэ турым икIэуххэр:
«СШ N 1 (2007)» — «Тульскэр-1» — 3:0, «Адыгеир» — «МГТУ» — 3:0.
ЯтIонэрэ лигэм команди 5 хэт. Ахэм апэрэ зэIукIэгъоу яIагъэхэм язэфэхьысыжьхэр:
«Еджэркъуай-1» — «Еджэркъуай-2» — 3:0, «СШ N 1 (2010)» — «Тульскэр» — 3:0.
ЕшIэгъухэр Адыгэ къэралыгъо университетым испортзал щэкIох, чемпионатыр жъоныгъуа­кIэм и 19-м аухынэу агъэнафэ.