Урысые физкультурэ-спорт комплексэу «IофшIэным ыкIи зыкъэухъумэ­жьы­гъэным сафэхьазыр» зыфиIорэм итхьамафэ Мыекъуапэ щырагъэжьагъ.

Мы мэфэ благъэхэм къакIоцI Адыгеим икъэлэ шъхьаIэ щыпсэурэ нэбгырэ 50-мэ республикэ стадионэу «Зэкъошныгъэм» шапхъэхэр щатыщтых. Ахэр аныбжьыкIэ зэтекIых, ащ елъытыгъэу ушэтынхэри акIущтых, дышъэ, тыжьын ыкIи джэрз бгъэхалъхьэ­хэм афэбэнэщтых.
Урысые физкультурэ-спорт ком­плексэу «IофшIэным ыкIи зыкъэухъумэжьыгъэным сафэхьазыр» зыфиIорэм итхьамафэ хэлэ­жьагъэхэм ащыщ илъэси 7 зыныбжь Егор Волковыр. Ыныбжь елъытыгъэу ащ шапхъэхэр ытыгъэх, лъэныкъуи 5-мкIэ дэгъу дэ­дэу зыкъыгъэлъэгъуагъ ыкIи дышъэ бгъэхалъхьэр къылэжьыгъ. Метрэ миныр такъикъи 6-кIэ, метри 10-р нэгъэупIэпIэгъуи 2,5-кIэ къычъыгъэх, нэмыкIхэмкIи зэрифэшъуашэу зыкъыгъэлъэ­гъуагъ.
— Илъэси 5-м щегъэжьагъэу спортым сыпылъ. ЯтIонэрэу Урысые физкультурэ-спорт комплек­сэу «IофшIэным ыкIи зыкъэухъумэжьыгъэным сафэхьазыр» зыфиIорэм сыхэлажьэ, мызэгъэгум сигухэлъ къыздэхъугъ. Ушэтынхэр зэкIэ дэгъу дэдэу зэрэскIугъэхэм лъэшэу сигъэрэзагъ, — къы­Iуагъ Егор Волковым.
Шапхъэхэр зыты зышIоигъохэм джыри тхьамэфэ псау апэ илъ. Ащ хэлэжьэнхэу нахьыбэм зызщарагъэтхыгъэр зыгъэпсэфыгъо мафэхэр ары.