Хабзэ зэрэхъугъэу, илъэс къэс адыгабзэмрэ тхыбзэмрэ я Мафэ ехъулIэу Адыгеим Iофтхьэбзабэ щызэрахьэ. Ахэм зыкIэ ащыщ «Сы­бзэ — сидунай» зыфиIорэ зэнэкъокъоу республикэм щыре­кIокIыгъэр.

Ащ изэхэщакIор фондэу «Гу­хэлъыр» ары, АР-м культурэмкIэ и Министерствэ ащ иIэпыIэгъугъ, кIэлэцIыкIу республикэ тхылъеджапIэм Iофтхьабзэр ригъэкIокIыгъ.
Илъэси 3-м къыщыублагъэу 14-м нэс зыныбжь кIэлэ­цIыкIу­хэр ащ хэлэжьагъэх. Къы­хэгъэ­щыгъэн фае адыгабзэр зимыныдэлъфыбзэхэри ахэм зэра­хэтыгъэхэр. Тиадыгэ тха­кIохэм яусэхэм ащыщхэм анахь IупкIэу къяджагъэхэм, къэгъэлъэгъон кIэкIхэр дэгъоу къэзышIыгъэхэм, видеоролик гъэшIэгъонхэр къэзгъэхьазыры­гъэхэм щытхъу тхылъхэмрэ шIухьафтын цIыкIу­хэмрэ ара­тыгъэх.
ГъэшIон Iофтхьабзэр зыщыкIуагъэр Пушкиным ыцIэкIэ щыт унэр ары. Ащ къекIолIагъэх Адыгэ Хасэм, республикэм иучреждение ыкIи иорганизацие зэфэшъхьафхэм ялIыкIохэр, кIэлэегъаджэхэр, нытыхэр ыкIи нэмыкIхэр.
Iофтхьабзэр зэрихабзэу фэ­къулаеу зэрищагъ Адыгэ Респуб­ликэм изаслуженнэ журналистэу ТIэшъу Светланэ.
ПстэумкIи анахь дэгъоу кIэлэцIыкIу 19 къыхагъэщыгъэр. Ахэр куп-купэу зэтеутыгъагъэх.
Илъэси 3 — 6 зыныбжьхэмкIэ текIоныгъэр къыдэзыхыгъэхэр:
1 — Мерэм Ясмина
2 — Хьасани Марьям
3 — ХъокIон Джантэмыр
Илъэси 7 — 10 зыныбжьхэмкIэ:
1 — МэщлIэкъо Амина
2 — Гъогъо Бэл
3 — Мамый Сафина
Илъэс 11 — 14 зыныбжьхэмкIэ:
1 — Ешэкъо Нафиса
2 — Цуякъо Бэл
3 — Талъэкъо Дамир
Купэу «Адыгабзэр зимыны­дэлъфыбзэхэр» зыфиIорэмкIэ:
1 — Юдакова Алина
2 — Романов Дмитрий
3 — Прохоровхэу Кирэрэ Миленэрэ
Купэу «Видеосюжет» зыфиIорэмкIэ:
1 — ГъукIэлI Росита, ЛIы­хъукI Бэл, Бэгъушъэ Ясмина
2 — ЗекIогъу Тамыр
3 — ТIэшъу Маринэрэ Яхъу­лIэ Азидэрэ
ТекIоныгъэр къыдэзыхыгъэ ыкIи Iофтхьабзэм хэлэжьэгъэ пстэуми тафэгушIо!