Урысыем и Следственнэ комитет Адыгэ РеспубликэмкIэ иследственнэ ГъэIорышIапIэ иотделэу мэхьэнэ ин дэдэ зиIэ Iофхэм язэхэфын фэгъэзагъэм Дагъыстан щыщ хъулъфыгъэм уголовнэ Iоф къыфызэIуихыгъ.

Урысые Федерацием и Уголовнэ кодекс ия 291-рэ статья ия 4-рэ Iахь ипунктэу «б-м» зигугъу къышIырэ бзэджэшIагъэр зэрэзэрихьагъэм, къолъхьэшхо зэраритыгъэм пае ар аубытыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иматериалхэм атетэу уголовнэ Iофыр къызэIуахыгъ.
Следствием зэригъэунэфыгъэмкIэ, 2024-рэ илъэсым ищылэ мазэ Дагъыстан щыщ хъулъфыгъэм икIалэ уголовнэ пшъэдэкIыжь рамыгъэхьыным пае Урысые Федерацием щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэ сомэ мин 500 хъурэ къуалъхьэ ритыгъ.
Къуалъхьэр аритыгъэ нэмыIэу бзэджэшIагъэ зезыхьагъэр аубытыгъ. Джыдэдэм уголовнэ IофымкIэ следственнэ ыкIи процессуальнэ Iофтхьабзэхэр зэрахьэх.
Урысыем и Следственнэ комитет АР-мкIэ иследственнэ ГъэIорышIапI