Адыгэ Республикэм и Къэралыгъо Совет — Хасэм идепутатхэу, Адыгеим имуниципальнэ образованиехэм ялIыкIо къулыкъу­хэм ядепутатхэу лъытэныгъэ зыфэтшIыхэрэр!
Адыгэ Республикэм ипарламентаризмэ и Мафэ фэшI тышъу­фэгушIо!
Тиреспубликэ идепутатхэу хэбзэихъухьанымкIэ ищыкIэгъэ амалхэр зезыхьэхэрэр, мэхьанэшхо зиIэ законхэр зыштэхэрэр мы мафэм тэгъэлъапIэх.
Зипшъэрылъхэр еIолIэнчъэу зыгъэцэкIэрэ, хэдзакIохэм яIофыгъохэм язэшIохынкIэ афэлъэкIыщтыр зышIэрэ, щыIакIэм ипчэгу ит, хэбзэ къулыкъу пстэуми шIуагъэ къытэу адэлэжьэрэ, Адыгэ Республикэми, Урысыеми яхэхъоныгъэ зиIахьышIу хэзышIыхьэрэ депутатхэм тызэрафэразэр непэ къэтэIо.
ПарламентаризмэмкIэ хэбзэшIухэр тапэкIи зэрэлъагъэкIотэщтхэм, депутатхэм нахь зызэрагъэчаныщтым, Адыгеим ихэхъоныгъэ яIахьышхо зэрэхашIыхьащтым тицыхьэ телъ.
Ныбджэгъу лъапIэхэр, псауныгъэ пытэ, щыIэкIэшIу шъуиIэнэу, Адыгеими, Урысыеми яфедэ зыхэлъ Iофэу ешъухьыжьэхэрэм гъэхъагъэхэр ащышъушIынхэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр