Тэхъутэмыкъое районым ибэнакIохэм тагъэгушIуагъ
Шъхьафит ыкIи урым-рим бэнэнымкIэ Урысые зэнэкъокъухэм къащыхэщыгъэх Тэхъутэмыкъое районым илIыкIохэр.
Шъхьафит ыкIи урым-рим бэнэнымкIэ Урысые зэнэкъокъухэм къащыхэщыгъэх Тэхъутэмыкъое районым илIыкIохэр.
Темыр Осетием-Аланием икъэлэ шъхьаIэ шъхьафит бэнэнымкIэ турнирэу щыкIуагъэм Данил Допуа ящэнэрэ чIыпIэр къыщыдихыгъ. Олимпийскэ резервым иящэнэрэ район спорт еджапIэ ащ зыщегъасэ, зыныбжь илъэс 16-м шIомыкIыгъэхэм якуп зыщиушэтыгъ. Мыщ фэдэ зэфэхьысыжьым ишIуагъэкIэ тренерэу Зубаил Рустам ыгъэсэрэ спортсменыр къэралыгъом ихэшыпыкIыгъэ командэ хэхьагъ ыкIи Европэм ипервенствэ хэлэжьэщт.
Джащ фэдэу урым-рим бэнэнымкIэ зэнэкъокъухэр къалэу Владивосток щыкIуагъэх, зыныбжь илъэс 18-м нэмысыгъэхэр ащ хэлэжьагъэх. Тэхъутэмыкъое районым илIыкIохэу Абдэкъо Зуберрэ Дыхъу Расулрэ гъэхъэгъэшIухэр ашIыгъэх. ТIури финалым ихьагъэх, ау ар къахьын алъэкIыгъэп, тыжьын медальхэр къафагъэшъошагъэх. Тиспортсменхэм, ахэм ятренерхэм тафэгушIо, тапэкIи гъэхъэгъэшIухэр ашIынхэу афэтэIо.