Физкультурэ-спорт Iофтхьабзэу «Iоф­шIэным ыкIи зыкъэухъумэжьыгъэным са­фэхьазыр» зыфиIорэм 2024-рэ илъэ-сымкIэ иапэрэ тхьамафэ гъэтхапэм и 18-м къызэIуахыщт.

Дышъэ, тыжьын ыкIи джэрз бгъэхалъхьэхэр къызэраты зышIоигъохэм лъэныкъуи 5 — 6-кIэ шапхъэхэр атынхэ фае: 4-р — шIокI зимыIэх, 2-р — ежь цIыфым къыхехых.
2023-рэ илъэсым мыщ фэдэ Iофтхьабзэхэм Мыекъуапэ щыпсэурэ нэбгырэ 500 фэдиз ахэлэжьагъ, ахэм анахьыбэр кIэлэеджакIох. Апшъэрэ классхэм арысхэм шапхъэхэр дэгъоу атынхэм мэхьанэшхо иI, сыда пIомэ гурыт сэнэхьат зыщызэрагъэгъотырэ ыкIи апшъэрэ еджапIэхэм ачIэхьанхэмкIэ ахэм балл тедзэхэр яIэщтых.
Мыекъуапэ физическэ культурэмкIэ ыкIи спортымкIэ и Комитет социальнэ хъы­тыоу «Вконтакте» зыфи­Iорэм нэкIубгъоу щыриIэм Iофтхьабзэм хэлажьэ зышIоигъохэм зыщатхын алъэкIыщт.