ХэушъхьафыкIыгъэ дзэ операцием хэлэжьэгъэ Денис Давыдовым фон­дэу «Хэгъэгум иухъумакIохэр» зыфиIорэм ишъолъыр къутамэ зыкъы­фигъэзагъ.

Зэпэуцужьым зэрэхэлэжьа­гъэр къэзыушыхьатырэ тхылъхэр икъоу зэрэIэкIэмылъхэм фэшI ветеран удостоверениер ежь-­ежьырэу ыгъэпсын ылъэкIыгъэп. ЗэолIым иIоф фигъэцэкIэнэу со­циальнэ координаторэу Ирина Скрябинар фежьагъ.
Iофыгъом изэшIохын рекIо­кIызэ, Денис апшъэрэ еджапIэм чIэхьанэу зэрэшIоигъор къари­Iуагъ. КъэкIощт илъэс еджэгъум а гухэлъыр къыдэхъуным фэшI социальнэ координаторым иIэпы­IэгъукIэ Мыекъопэ къэралыгъо технологическэ университетым иублэпIэ курсхэм ар агъэкIуагъ. Ащ нэмыкIэу гъэсэныгъэ технологиеу «Advance» зыфиIорэм и Гупчэ щеджэн амал хъулъфы­гъэм рагъэгъотыгъ. Къыхэгъэщыгъэн фае, еджэгъум иапэрэ едзыгъо чIыпIэ 50 ныIэп агъэнэфагъэр ыкIи Адыгеим щыщэу ащ Денис закъу хэфагъэр.
Мы уахътэм дзэкIолIым Iоф­шIэн къызэрэфагъотыщтым ыуж итых. Ащ пае социальнэ коорди­наторым ищыкIэгъэ тхылъхэр цIыфхэм IофшIэн ягъэгъотыгъэнымкIэ Гупчэм IэкIигъэхьагъэх.
Ветеран удостоверением игъэ­псын мэзэ пчъагъэрэ пылъы­гъэх. Фондым ишIуагъэкIэ бэмышIэу Де­нис Давыдовым бэрэ зэжэгъэ тхылъыр къыратыжьыгъ. Ащ игуа­пэу рэзэныгъэ гущыIэхэр фондым иIофышIэхэм афигъэ-
загъэх.