Бзылъфыгъэхэм я Дунэе мафэ фэгъэхьыгъэу спорт гимнастикэмкIэ зэнэкъокъухэр Мыекъуапэ щыкIуагъэх.

Iофтхьабзэм гимнасткэ 70-рэ хэлэжьагъ, аныбжь ыкIи спорт ухьазырыныгъэу яIэм елъытыгъэу ахэр гощыгъагъэх. Республикэм икъэлэ шъхьаIэ ипервенствэ Краснодар илIыкIохэри хэлэжьагъэх, ау Мыекъуапэ къэзыгъэлъэгъуагъэхэр нахь лъэшыгъэх.
Апэрэ спорт разрядым ипрограммэкIэ текIоныгъэр къыдахыгъ Адыгеим игимнасткэхэу Юлия Шубинам, Камилла Стребковам ыкIи Ирина Власюковам.