Республикэм и ЛIышъхьэу КъумпIыл Мурат къулыкъу зэфэшъхьаф­хэм яIофышIэ пэ­­рытхэм Урысыемрэ Адыгеимрэ якъэралыгъо тынхэр бэ­­мышIэу АР-м и Къэралыгъо филармоние къащыритыжьыгъэх.

Тын лъапIэхэр къызыфагъэшъошагъэхэм закъыфигъазэзэ АР-м и ЛIышъхьэ къыIуагъ уимурад уфэкIонымкIэ, IофшIэнымкIэ ахэр щысэтехыпIэу зэрэщытхэр, къиныгъохэм зыкъызэрарамыгъэгъаштэрэр.
«Шъуащыщ пэпчъ иIофшIэн зэрегугъурэм бэкIэ елъытыгъэщт республикэм хэхъоны-­
гъэу ышIыщтыр, гъэхъагъэу тиIэщтхэр. ШIуагъэ къытэу шъу­зэрэлажьэрэм, IэпэIэсэныгъэ­шхо зэрэшъухэлъым, шъудэмыхэу шъуимурад къыжъудэ­хъуным шъузэрэфакIорэм апае «тхьашъуегъэпсэу» шъосэIо. Непэ фэдэ мафэм социальнэ лъэныкъом Iоф щызышIэрэ бзылъфыгъэхэм анахьэу сызэрафэразэр къасIо сшIоигъу. Тибзылъфыгъэхэм гъэсэныгъэм, псауныгъэм икъэухъумэн, культурэм, искусствэм мэхьанэшхо щаряI», — къыIуагъ КъумпIыл Мурат.
Республикэм и ЛIышъхьэ зэрэхигъэунэфыкIыгъэмкIэ, хъулъ­фыгъэхэм аготхэу непэ бзылъфыгъэхэм экономикэм илъэныкъо пстэуми чанэу яIахь ахашIыхьэ, мэкъу-мэщми, гъомылэпхъэшI промышленностми гъэхъэгъэшхохэр ащашIых. Гъогу хъызмэтым иIофышIэхэм, псэолъэшIхэм Адыгеим ихэхъо­ныгъэ яIахьышхо хэлъ.
АР-м и ЛIышъхьэ респуб­ликэм къыщыхъурэ хъугъэ-шIагъэхэр чанэу къэзыгъэлъэгъорэ журналистхэм зэрафэразэр шъхьафэу къыIуагъ. Юристхэм, къэралыгъо граждан, муниципальнэ къулыкъу­шIэхэм республикэм ихэхъоныгъи, Адыгеим исхэм яфиты­ныгъэхэмрэ яфедэхэмрэ якъэу­хъумэни яIахьышхо зэрэхашIы­хьэрэр ащ къыхигъэщыгъ.
Нэужым къэралыгъо тынхэр къаритыжьыгъэх. Урысые Федерацием и Президент и УказкIэ гъэсэныгъэм ылъэныкъокIэ гъэхъагъэхэр зэриIэхэм ыкIи илъэсыбэ хъугъэу Iоф зэришIэрэм афэшI щытхъуцIэу «Урысые Федерацием изаслуженнэ кIэлэегъадж» зыфиIорэр Адыгэкъалэ игурыт еджапIэу N 3-м икIэлэегъаджэу Хьалилэ Светланэ къыфагъэшъошагъ.
ЦIыфхэр социальнэу ухъумэгъэнхэмкIэ гъэхъагъэхэр зэря­Iэхэм ыкIи илъэсыбэ хъугъэу гуетыныгъэ фыряIэу Iоф зэрашIэрэм афэшI щытхъуцIэу «ЦIыфхэр социальнэу ухъумэгъэнхэмкIэ Урысые Федера-­
цием изаслуженнэ IофышI» зыфиIорэр афагъэшъошагъ Iоф­шIэнымкIэ ыкIи цIыфхэр социальнэу ухъумэгъэнхэмкIэ Гуп­чэм Кощхьэблэ районымкIэ икъутамэу N 4-м ипащэу Агъыр­джанэкъо Рэмэзанрэ Мые­къопэ районым исхэм ясоциальнэ фэIофашIэхэр зыгъэцэкIэрэ Гупчэм иотделение ипащэу Ивлева Светланэрэ.
Общественнэ IофшIэным, шIушIэным чанэу зэрахэла­жьэхэрэм афэшI Урысые Фе­д­ерацием и Президент и Рэ­зэныгъэ тхылъ Урысыем ис бзылъфыгъэхэм я Союз и Адыгэ шъолъыр къутамэ итхьаматэу Ворэкъо Хьалимэтрэ Адыгэ Республикэм ибзылъфыгъэхэм я Союз и Мыекъопэ къэлэ къутамэ ипащэу Марианна Михайловскаямрэ къафагъэ­шъошагъ.
Адыгэ Республикэм и ЛIышъхьэ и УказкIэ АР-м ыпашъхьэ гъэхъэгъэ ин дэдэхэр зэрэщыряIэхэм фэшI медалэу «Адыге­им и Щытхъузехь» зыфиIорэр къафагъэшъошагъ Адыгэ Рес­публикэм мэзхэмкIэ и ГъэIорышIапIэ икъутамэу «Мыекъопэ мэз хъызмэтым» иинженерэу Хьатикъое Мэджыдэ, Красно­гвардейскэ районымкIэ Улэпэ гурыт еджапIэу N 9-м хьисапымкIэ икIэлэегъаджэу Тхьайшъэо Нуриет, Тэхъутэмыкъое районымкIэ Яблоновскэ гурыт еджапIэу N 5-м ипащэу Лариса Шестопаловам.
Джащ фэдэу культурэм, гъэ­сэ­ныгъэм, псауныгъэм икъэу­хъумэн, промышленностым, мэз хъызмэтым яIофышIэхэм, къуа­джэхэм ащылажьэхэрэм, псэо­лъэшIхэм, журналистхэм, юристхэм, муниципальнэ, къэралыгъо граждан къулыкъушIэхэм ащыщхэми тын лъапIэхэр къафагъэшъошагъэх.
АР-м и ЛIышъхьэ ипресс-къулыкъу