Чэщ хоккейнэ лигэм щешIэрэ командэхэм яшъолъыр зэнэкъокъоу зэхащагъэм текIоныгъэр къыщыдихыгъ клубэу «Титаным». Зыныбжь илъэс 50-м ехъугъэхэр ары зызыушэтыгъэхэр.
Финалым щызэIукIагъэх «Титанымрэ» «Нартымрэ».

ЕшIэгъур гъэшIэгъонэу рекIокIыгъ, ащ еплъыгъэхэм агу рихьыгъ. Ящэнэрэ такъикъым пчъагъэр къызэIуихыгъ «Титаным» изэхэщакIоу КIыкI Ахьмэд. ТIэкIу тешIагъэу «Нартым» хэт Андрей Скобченкэм ар зэфэдиз ышIыгъ. Ау ятIонэрэ ыкIи ящэнэрэ периодхэм «Титаным» иешIакIэ ригъэхъугъ, Эльдэрэ Къадыр тIогъогогъо, Игорь Шамаровым ыкIи Александр Шуляцкэм шайбэр къэлапчъэм дадзагъ, 5:1-у зэIукIэгъур аухыгъ.