Мыекъуапэ ихудожественнэ гимнасткэхэм мы аужырэ уахътэм­ ­гъэхъэгъэшIоу ашIыгъэхэм ыкIи бзылъфыгъэхэм я Дунэе мафэу ­къэблагъэрэм афэшI ахэм къафэгушIуагъэх республикэм икъэлэ шъхьаIэ физическэ культурэмкIэ ыкIи спортымкIэ и Комитет ­итхьаматэу Дмитрий Щербаневымрэ спорт еджапIэу В. С. Максимовым ыцIэ зыхьырэм ипащэу Арсен Арутюновымрэ.

Художественнэ гимнастикэмкIэ Урысыем ичемпионатэу Москва щыкIуагъэм тиспортсменки 7-мэ дэгъу дэдэу зыкъыщагъэлъэгъуагъ ыкIи АдыгеимкIэ апэрэу Урысыем спортым имастер хъунхэм-
кIэ шапхъэхэр агъэцэкIагъэх. Ащ фэшI типшъашъэхэм джыри зэ тыгу къыддеIэу тафэгушIо.
Купхэм язэнэкъокъухэм къащыхэщыгъэх Анна Алексеевар, Дарья Ларионовар, Милана Матевосян, Василиса Гарбузовар, Карина Сильченкэр, Арина Щербаневар. Джащ фэдэу Милена Капковам ищыкIэгъэ баллхэр ригъэкъухи спортым имастер хъугъэ. Спорт еджапIэу В. С. Максимовым
ыцIэ зыхьырэм художественнэ гимнастикэм ­икъутамэ къызщызэIуахыгъэ 2015-рэ илъэ-
сым щегъэжьагъэу пшъашъэхэр зыгъасэхэрэр Яна Цехановичрэ Яна Кострэ. Ахэм яшIуа­гъэкIэ тигимнасткэхэр лъэгэпIэ инхэм анэсынхэ алъэкIыгъ.